بحبك بحبك بحبك يا مصر

[ندعوك للتسجيل في المنتدى أو التعريف بنفسك لمعاينة هذه الصورة]بَحِبِّكْ يامصرْ[ندعوك للتسجيل في المنتدى أو التعريف بنفسك لمعاينة هذه الصورة]

بَحِبِّكْ يا مصرْ ..

وبعشقْ ترابكْ .

وألِفْ المداينْ ..

وأرْجعْ لبابِكْ .

وأحِسْ بكيانى ..

وكرامتى فْ رحابِكْ .

يقولوا فقيره ..

يقولوا أسيره ..

بشوفِكْ أميره ..

وأحبِّكْ يا مصرْ .

بحبِّكْ ملايه .. ومنديلْ بِقُويا .

مقالبْ من أختى .. وغتَاته مْنْ أخويا .

ودعوه مِنْ أمى .. تنسينى همِّى ..

وحِكْمَه مْنْ أبويا.

وأحبِّكْ صبيِّه .. على البحرْ جايَّه ..

فى ساعةْ عصَارى .

ونسمه قُبَالْها .. تطيَّرْ فى شالْها ..

تبَيِّنْ جمالها .. وتِرجعْ تدارى .

وأحبِّكْ مراكبْ .. تعدِّى إللِّى راكبْ ..

لبرْ الأمانْ .

يدوبْ جوَّا نيلكْ .. ويعطشْ يجيلكْ ..

يقوللِّكْ كمانْ .

وأقابلِكْ ببُوسه .. فى زفِّةْ عروسه ..

ولَمَّه فى بيتنا ..

مع ولادْ حارتْنا ..

تدُقْ المزاهرْ .. ترُدْ المزامرْ ..

تزَغْردْ جارتْنا .

نهلِّلْ .. نغنى ..

وحلمْ التمنِّى ..

ينورْ ليليتنا .

وأحبِّك زياره لبيتْ عمْ سيدْ ..

ده أصله فقير مِشْ حيقْدرْ يعَيِّدْ ..

نعَيِّدْ عليه .. نفرَّحْ عنِيهْ ..

ويدعيلْنا دعوه بمليونْ جنيه .

فى أرضِكْ يحِسْ الغريبْ إنُّه مصرى ..

وإحنا الأجانبْ .

ويلْقَى الرعايهْ .. ويلْقَى الحمايهْ ..

على كلْ جانبْ .

ويمشى ف ربوعِكْ .. ويشبعْ بجوعِكْ ..

ويعملْ مصايبْ .

ويرحلْ وينسى .. جِميلِكْ ويقْسَى ..

ويطْلَعْ يعايبْ .

ويرْجعْ تسامْحى .. يا ساكنه فْ ملامحى ..

يا سِتْ الحبايبْ .

ولادِكْ بَنُوكى .. بروحْهُمْ فَدُوكى ..

ويِشْهدْ عليهمْ ترابكْ فى سينا .

ومنهُمْ با عوكى .. عشانْ الشِيروكِى ..

وفيللَّا فْ مارينا .

يعيشوا فى خيرِكْ .. ويدُّوهْ لغيركْ ..

ولادْ اللَّذِينا .

ولوْ جارْ زمانْهمْ .. يعودُوا لْمكانهمْ ..

يلاقوا السَكينَهْ .

وتِنْسِى جحودْهمْ .. وتبكى عليهمْ ..

عنيكى الحزينهْ .

فى أرضكْ سرَحْتْ .. فشَلْتْ ونَجَحْتْ ..

وعشْتْ بْبساطَهْ .

صاحِبتْ الحمَامْ .. ونِمْتْ فْ سلامْ ..

ولوَْ عَ البلاطهْ .

تِغَيَّرْ فى شَكلى ..همومى ومشَاكْلى ..

لكِنْ روحى لأْ .

أعَبَّرْ بغنْوهْ .. وأقولْ نُكتهْ حلوهْ ..

لكِنْ يأسْ لأْ .

ما طيقْشْ الغَتاتهْ ..

وقلبى المسالمْ ما يعرفْ شّماتهْ ..

وأقولْ بالتلاتهْ ..

[ندعوك للتسجيل في المنتدى أو التعريف بنفسك لمعاينة هذه الصورة]بحبِّكْ .. بحبِّكْ .. بحبِّكْ .. يا مصرْ[ندعوك للتسجيل في المنتدى أو التعريف بنفسك لمعاينة هذه الصورة]

منقول

لكم من قلوب كل المصرين

جسمي كان بيقشعر طول ماأنا بقرأ القصيدة

ربي ينصرنا على كل من يعادينا

تقبلي مروري نوجا

انا مصري انت مين؟

اللي ضحي لجل وطنه

لجل مايعود النهار

واللي اسم مصر دايما

كانلو طاقت الانتصار

يبقي واحد مننا

يرفع راسة ويصرخ لكل الدنيا

انا مصري ابن بلدي ...

التاريخ وحضارة وادي النيل من القديم

بناءا هرامات وفراعنة درسو وعلمو العلالمين

يبقى انت اقف وانت بتكلمني وقلي

وقبل ماتوقف قصادي ....انت تطلع مين؟؟

[ندعوك للتسجيل في المنتدى أو التعريف بنفسك لمعاينة هذه الصورة]

انا مصري انت مين؟
بحبك بحبك بحبك يا مصر

لك الله يامصر
ادخـــــــــــلـــــو مِـصَـــــــــــــــرَ
أمــنيـــن

لو لم اكن اردنيآ لتمنيت ان اكون مصريأ.
كلمات خفيفه لطيفه تحمل معاني الوطنيه. وتراب ام الدنيا عزيز واغلى من الذهب يا سيدتي.
اما كلمات الاستاذ خالد ناريه حماسيه بحاجه لشخص عملاق مثل سيد درويش يلحنها اغنيه .
وشكرآفارسة المنتدى وشكرآ استاذ خالد.

اللهم احفظ مصر وأهلها بحفظك واكلأها برعايتك؛ وصن دماءهم واحفظ أعراضهم؛ وكد من كادهم؛ وول عليهم خيارهم.

اللهم من أراد بهم سوءاً فأشغله في نفسه ورد كيده في نحره

اللهم واجمع كلمتهم على الحق والهدى؛ واجعل عاقبة أمرهم إلى خير يارب العالمين.

اللهم احفظ على مصر أمنها وإيمانها

اللهم إنك عفو كريم تحب العفو فاعف عن المسلمين فى مصر

اللهم أطفئ نار الفتنة فى مصر بما شئت وكيف شئت

اللهم اهد المسلمين فى مصر وسددهم

اللهم جنبهم الفتن ما ظهر منها وما بطن

اللهم مكن المسلمين فى مصر من عبادتك على الوجه الذى تحبه وترضاه تحت ولاية من شئت يا رب العالمين

اللهم دافع عن الذين آمنوا فى مصر يا رب العالمين

يارب كون في عون المصارية اللهم امين